Elín Jóna og Ómar Ingi handknattleiksfólk ársins

- Auglýsing -

HSÍ hefur valið Elínu Jónu Þorsteinsdóttur og Ómar Inga Magnússon handknattleiksfólk ársins 2024. Þetta er í þriðja sinn sem Ómar Ingi hreppir hnossið en í fyrsta skiptið sem Elín Jóna verður fyrir valinu.

HSÍ hefur valið handknattleiksmann eða fólk ársins frá 1973. Listi yfir þau sem hreppt hafa hnossið er að finna neðst í þessari grein.

Elín Jóna

Elín Jóna er ein burðarása kvennalandsliðsins sem tók nýverið þátt í EM 2024 í Austurríki, Sviss og Ungverjalandi. Elín Jóna varði þar 76 skot á EM eða 34,21% markvörslu í þremur leikjum Íslands. Elín Jóna hefur leikið undanfarin ár í Danmörku og skipti um mitt síðasta ár um lið þegar hún færði sig yfir í Aarhus Håndbold sem leikur í dönsku úrvalsdeildinni.

Elín Jóna er frá Seltjarnarnesi og lék með Gróttu upp yngri flokka félagsins og hóf að leika með meistaraflokki Gróttu tímabilið 2014 – 2015 og varð um vorið Íslandsmeistari.
Árið 2015 skipti Elín Jóna yfir í Hauka og lék með liði félagsins til 2018 þegar hún fór í atvinnumennsku. Elín Jóna hefur leikið í Danmörku með Vendsyssel Håndbold, Ringkøbing Håndbold, EH Aalborg og Aarhus Håndbold.

Elín Jóna Þorsteinsdóttir hefur leikið 68 leiki með kvennalandsliðinu og skorað 4 mörk.

Ómar Ingi

Ómar Ingi varð Þýskalandsmeistari og bikarmeistari í handknattleik í vor auk þess hann varð þriðji markahæstur í Bundesligunni, efstu deild Þýskalands, á síðustu leiktíð. Magdeburg komst einnig í Final4, úrslitahelgi Meistaradeildar Evrópu, með Ómar Inga innanborðs.

Með landsliðinu náði Ómar 10. sæti á EM 2024 í Þýskalandi. Á mótinu skoraði Ómar Ingi 19 mörk. Einnig lék hann stórt hlutverk með landsliðinu þegar það tryggði sér þátttökurétt í lokakeppni HM 2025 með tveimur öruggum sigrum gegn Eistlandi í maí.

Ómar lék með yngri flokkum Selfoss og spilaði með meistaraflokki bæði á Selfossi og með Val áður hann hélt í atvinnumennsku til Danmerkur 2016. Þar lék hann með bæði með Aarhus Håndbold og Aalborg Håndbold áður en hann flutti sig um set og hóf að leika með SC Magdeburg sumarið 2020 hvar hann hefur átt mikilli velgengni að fagna.

Ómar hefur leikið 88 landsleiki og skorað í þeim 317 mörk.
Hann var kjörinn Íþróttamaður ársins 2021 og 2022 auk þess að vera í hópi tíu efstu í kjörinu fyrir árið 2024.

Handknattleiksfólk ársins hjá HSÍ frá 1973:

^{2024 – Ómar Ingi Magnússon}	^{Elín Jóna Þorsteinsdóttir}
^{2023 –} ^{Gísli Þorgeir Kristjánsson}	^{Sandra Erlingsdóttir}
^{2022 –} ^{Ómar Ingi Magnússon}	^{Sandra Erlingsdóttir}
^{2021 – Ómar Ingi Magnússon}	^{Rut Arnfjörð Jónsdóttir}
^{2020 – Aron Pálmarsson}	^{Steinunn Björnsdóttir}
^{2019 – Aron Pálmarsson}	^{Íris Björk Símonardóttir}
^{2018 – Guðjón Valur Sigurðsson}	^{Þórey Rósa Stefánsdóttir}
^{2017 – Guðjón Valur Sigurðsson}	^{Þórey Rósa Stefánsdóttir}
^{2016 – Aron Pálmarsson}	^{Birna Berg Haraldsdóttir}
^{2015 – Guðjón Valur Sigurðsson}	^{Íris Björk Símonardóttir}
^{2014 – Guðjón Valur Sigurðsson}	^{Karen Knútsdóttir}
^{2013 – Guðjón Valur Sigurðsson}	^{Rut Arnfjörð Jónsdóttir}
^{2012 – Aron Pálmarsson}	^{Guðný Jenný Ásmundsdóttir}
^{2011 – Aron Pálmarsson}	^{Karen Knútsdóttir}
^{2010 – Alexander Petersson}	^{Anna Úrsúla Guðmundsdóttir}
^{2009 – Ólafur Stefánsson}	^{Hanna Guðrún Stefánsdóttir}
^{2008 – Ólafur Stefánsson}	^{Berglind Íris Hansdóttir}
^{2007 – Ólafur Stefánsson}	^{Rakel Dögg Bragadóttir}
^{2006 – Guðjón Valur Sigurðsson}	^{Ágústa Edda Björnsdóttir}
^{2005 – Guðjón Valur Sigurðsson}	^{Berglind Íris Hansdóttir}
^{2004 – Ólafur Stefánsson}	^{Hrafnhildur Ósk Skúladóttir}
^{2003 – Ólafur Stefánsson}	^{Hrafnhildur Ósk Skúladóttir}
^{2002 – Ólafur Stefánsson}	^{Inga Fríða Tryggvadóttir}
^{2001 – Ólafur Stefánsson}	^{Harpa Melsteð}
^{2000 – Guðjón Valur Sigurðsson}	^{Helga Torfadóttir}
^{1999 – Bjarki Sigurðsson}	^{Ragnheiður Stephensen}
^{1998 – Guðmundur Hrafnkelsson}	^{Herdís Sigurbergsdóttir}
^{1997 – Geir Sveinsson}
^{1996 – Geir Sveinsson}
^{1995 – Geir Sveinsson}
^{1994 – Sigurður Sveinsson}
^{1993 – Guðmundur Hrafnkelsson}
^{1992 – Geir Sveinsson}
^{1991 – Valdimar Grímsson}
^{1990 – Guðmundur Hrafnkelsson}
^{1989 – Þorgils Óttar Mathiesen}
^{1988 – Geir Sveinsson}
^{1987 – Kristján Sigmundsson}
^{1986 – Guðmundur Þ. Guðmundsson}
^{1985 – Þorgils Óttar Mathiesen}
^{1984 – Einar Þorvarðarson}
^{1983 – Brynjar Kvaran}
^{1982 – Kristján Arason}
^{1981 – Sigurður Sveinsson}
^{1980 – Páll Björgvinsson}
^{1979 – Brynjar Kvaran}
^{1978 – Árni Indriðason}
^{1977 – Björgvin Björgvinsson}
^{1976 – Pálmi Pálmason}
^{1975 – Hörður Sigmarsson}
^{1974 – Viðar Símonarson}
^{1973 – Geir Hallsteinsson}