Elín Klara Þorkelsdóttir leikmaður Hauka er besti leikmaður Olísdeildar kvenna samkvæmt samantekt tölfræðiveitunnar HBStatz. Í samantektinni er litið til allra tölfræðiþátta í 84 leikjum Olísdeildarinnar á keppnistímabilinu sem veitan tekur saman, jafnt í vörn sem sókn.
Elín Klara skoraði 6,5 mörk að jafnaði í leik og var með 59% skotnýtingu. Hún skapaði sex marktækifæri í hverjum leik með Haukum í deildinni, átti fjórar stoðsendingar, vann rúmlega tvö vítaköst í leik, var með nærri fimm löglegar stöðvanir í leik og vann boltann af andstæðingum sínum 1,3 sinnum í leik. Elín Klara er þar með ekki síður útsjónarsöm í vörn en sókn.
Besti leikmaður Olísdeildar kvenna 2023 hjá HBStatz 📈🥇#handbolti #olisdeildin pic.twitter.com/I27Mvc9DSb
— HBStatz (@HBSstatz) April 9, 2023
Hafdís Renötudóttir, úr Fram, er besti markvörður Olísdeildar kvenna með 41% markvörslu.
Thea Imani Sturludóttir, leikmaður Vals, er varnarmaður tímabilsins og Rut Arnfjörð Jónsdóttir KA/Þór er sóknarmaður tímabilsins. Allt er þetta samkvæmt samantekt HBStatz en nánar má skoða tölfræði leikmanna hér fyrir neðan.
Markmaður tímabilsins 🙌🏻
— HBStatz (@HBSstatz) April 9, 2023
>40% varsla og >50% úr horni og að utan 🤯#handbolti #olisdeildin pic.twitter.com/bJ4tvC4T1k
Varnarmaður tímabilsins í Olísdeild kvenna 💪🏼🌪️#handbolti #olisdeildin pic.twitter.com/SxvFfOVPei
— HBStatz (@HBSstatz) April 9, 2023
Sóknarmaður tímabilsins í Olís kvenna, með flestar stoðsendingar og lang flest sköpuð færi í leik 🤝#handbolti #olisdeildin pic.twitter.com/0xmwRluMYH
— HBStatz (@HBSstatz) April 9, 2023
Einnig hefur HBStatz tekur saman úrvalslið Olísdeildar kvenna þar sem eingöngu er litið til tölfræðiþátta. Úrvalsliðin eru hér fyrir neðan.
Lið tímabilsins í Olísdeild kvenna 📊#handbolti #olisdeildin pic.twitter.com/we2UolFCGu
— HBStatz (@HBSstatz) April 9, 2023
Varnarlið Olísdeildar kvenna 🌪️
— HBStatz (@HBSstatz) April 10, 2023
Á milli þeirra 6 ⏬️
28.6 stöðvanir
5.1 stolinn bolti
8.4 blokkuð skot#handbolti #olisdeildin pic.twitter.com/ptbiCvDW8V
HBStatz hefur haldið utan um tölfræði Olísdeildar karla og kvenna um nokkurra ára skeið í samvinnu við HSÍ og aðildarfélögin.
Auk heimasíðunar góðu er hægt að fylgjast með HBStatz á Facebook og Twitter.
Úrslitakeppni Olísdeildar kvenna hefst mánudaginn 17. apríl.
Hér má sjá leikjadagskrá fyrstu umferðar.