Næsti leikur 17 ára landsliðs kvenna í handknattleik verður gegn rúmenska landsliðinu í krossspili um sæti 17 til 24. Viðureignin hefst klukkan 17.30 á morgun, fimmtudag, í Verde Complex-íþróttahöllinni í Podgorica. Aðeins eitt lið af þremur í milliriðli Íslands komst áfram í krossspil um sæti 9 til 16, serbneska landsliðið. Annað sæti riðilsins nægði norska liðinu ekki til þess að ná inn í sæti níu til 16.
Sigurvegarinn í viðureign Íslands og Rúmeníu á morgun leikur gegn sigurliðinu í viðureign Noregs og Færeyja á föstudag í flokki þeirra liða sem munu leika um sæti 17 til 20 á sunnudaginn.
Tapliðið í viðureign Íslands og Færeyja mætir tapliðinu í leik Noregs og Færeyja í flokki þeirra liða sem munu leika um sæti 17 til 20 á sunnudaginn.
Rúmenska landsliðið rak lestina í milliriðli L eftir að keppni lauk í gær, tapaði fyrir Litáen, 29:28, og gerði jafntefli við Tékkland, 28:28. Tékkar höfnuði í efsta sæti L-riðils.
Í riðlakeppninni, á fyrsta stigi EM, gerði Rúmenía jafntefli við Pólland, 33:33, tapaði fyrir Króatíu, 39:29, og Austurríki 36:32.
Viðureignir í krossspili um sæti 17 til 24:
Noregur - Færeyjar.
Norður Makedónía - Litáen.
Austurríki - Tyrkland.
Ísland - Rúmenía, kl. 17.30 - fimmtudagur.
- Sigurliðin leika í krossspili um sæti 17 til 20 á föstudaginn.
- Tapliðin leika í krossspili um sæti 21 til 24 á föstudaginn.
EM17-’25: Milliriðlar, úrslit og lokastaðan
EM17-’25: Leikjadagskrá, riðlakeppni, úrslit, lokastaðan
