- Auglýsing -
„Það verður að segjast eins og er að við eigum framundan mikið verk að vinna. Í dag erum við ekki á þeim stað sem við viljum vera á,“ segir Sigursteinn Arndal þjálfari Íslandsmeistara FH í handknattleik karla í samtali við handbolta.is.
Hálf önnur vika er þangað til keppni í Olísdeild karla hefst auk þess sem á miðvikudaginn mætast FH og Valur í Meistarakeppni HSÍ í Kaplakrika kl. 19.30.
„Við höfum verið að glíma við meiðsli og fleira. Það vantar upp á almennan brag á liðinu. Fyrir dyrum stendur að halda áfram að vinna í þeim þáttum sem vantar upp á. Það verður að segja eins er og að fyrir höndum er vinna í þeim efnum,“ segir Sigursteinn.
Lengra myndskeiðsviðtal er við Sigurstein efst í þessari frétt.
- Auglýsing -
