Evrópubikarmeistarar, Íslands- og deildarmeistarar Vals í handknattleik kvenna hlutu yfirburðakosningu í liði ársins 2025 í vali félaga Samtaka íþróttafréttamanna. Niðurstaða valsins var kunngjörð í kvöld samhliða kjöri Íþróttamanns ársins í hófi í Silfurbergi í Hörpu..
Valur, sem vann fyrst íslenskra kvennaliða Evrópubikarmeistaratitilinn á síðasta ári, fékk 123 stig af 150 mögulegum en 30 félagsmenn Samtaka íþróttafréttmanna röðuðu þremur liðum á lista á atkvæðaseðli sínum. Næst á eftir kom kvennalið Breiðabliks í fótbolta kvenna og Íslands- og bikarmeistarar Fram í handknattleik karla höfnuðu í þriðja sæti.
Þetta er aðeins í þriðja sinn síðan kosið var lið ársins sem handknattleikslið vinnur nafnbótina. Karlalið Vals var fyrir valinu 2022 og 2024.
Ágúst Þór Jóhannsson þjálfari Valsliðsins var valinn þjálfari ársins.
Röð liðanna átta sem fengu atkvæði í kjöri á liði ársins:
Valur kvenna handbolta 123 stig.
Breiðablik kvenna fótbolti 64 stig.
Fram karla handbolti 44 stig.
Íslenska landsliðið í hestaíþróttum 22 stig.
Stjarnan kvenna hópfimleikar 12 stig.
Víkingur karla fótbolti 3 stig.
Karlalandslið íslands í handbolta 1 stig.
KA kvenna í blaki 1 stig.
Hvaða lið hafa orðið lið ársins frá 2013?
