Fáir íslenskir stuðningsmenn verða í Porsche Arena í kvöld þegar landsliðið leikur við þýska landsliðið í upphafsleik heimsmeistaramóts kvenna í handknattleik. Róbert Geir Gíslason framkvæmdastjóri HSÍ segir að hann viti um 25 Íslendinga sem verða á leiknum. Þeim fjölgi upp 60 á síðari tveimur leikjunum í riðlinum á föstudag og sunnudag, þegar leikið verður við Serba og Paragvæa.
Þetta eru umtalsvert færri áhorfendur en komu frá Íslandi á leiki landsliðsins á Evrópumótinu í Austurríki fyrir ári. Þá voru á annað hundrað Íslendingar þegar be
Porsche Arena í Stuttgart rúmar 6.000 áhorfendur í sæti.
Uppselt var á leikdaga íslenska landsliðsins fyrir nokkrum vikum, eins og handbolti.is sagði frá.
Sérsveitin er væntanleg
Hópur frá Sérsveitinni, stuðningsmannasveit handboltalansliðanna, mætir til Stuttgart á leikina gegn Serbíu og Paragvæ og leggst eins venjulegar á árar með landsliðunum á stórmótum.
Fyrirhyggjusamir Þjóðverjar
Ástæða þess að uppselt er fyrir löngu á leikdaga íslenska landsliðsins er mikill áhugi Þjóðverja fyrir landsliði sínu. Seldir eru svokallaðir dagpassar sem gilda á báðar viðureignir hvers leikdags. Þjóðverjar eru eins og kunngt er skiplagðir og fyrirhyggjusamir og drifu þar með í að kaupa miða þegar þeir fóru í sölu.
Miðar eru seljast upp á leiki milliriðla
Heita má uppselt á tvo af þremur leikdögum í Westfalenhalle þar sem íslenska liðið leikur vonandi 2., 4. og 6. desember. Í sama milliriðli leikur þýska liðið einnig. Þjóðverjar hafa verið röskir við miðakaupin sem fyrr.
Westfalenhalle í Dortmund rúmar meira en tvöfalt fleiri áhorfendur en Porsche Arena eða tæplega 15 þúsund áhorfendur.
