o
„Það sem mér finnst best í þessu er að Aron finni fyrir hungrinu, að vilja fara út og eins að hann vilji fara til Veszprém. Það lýsir honum gríðarlega vel. Það ekki auðvelt. Hann er ekki vinsælasti maðurinn þarna eftir að hafa skilið allt eftir í reyk á sínum tíma,“ sagði Snorri Steinn Guðjónsson landsliðsþjálfari karla í handknattleik spurður um tíðindi dagsins, þau að fyrirliði landsliðsins Aron Pálmarsson hafi ákveðið að kveðja FH og ganga til liðs við ungverska meistaraliðið Veszprém á samningi út leiktíðina 2026.
„Einnig það að Aron segist eiga eftir óklárað verk hjá Veszprém finnst mér lýsa honum vel. Ég fékk smá gæshúð við að sjá þetta haft eftir honum,“ sagði Snorri Steinn ennfremur.
Snorri Steinn sagðist ekki sjá annað en að félagaskipti Aron styrktu landsliðið. „Það er alltaf jákvæðara þegar leikmenn leika með sterkari liðum. Vonandi helst Aron heill heilsu og getur leikið alla leiki fyrir Veszprém. Þá er þetta bara jákvætt.
Lengra myndskeiðsviðtal við Snorra Stein er efst í þessari frétt.
Sjá einnig:
FH staðfestir brottför Arons – hefur samið við Veszprém
„Á enn óklárað verkefni hjá Veszprém“
