- Auglýsing -
FH fór með tvö stig í farteskinu frá heimsókn sinni til ungmennaliðs Fram í Úlfarsárdalinn í dag. Úrslitin voru 26:20, í kaflaskiptum leik liðanna í 1. umferð Grill66-deildar kvenna í handknattleik.
Framliðið réði lögum og lofum framan af viðureigninni. Var engu líkara en leikmenn FH hefðu ekki áttað sig á Íslandsmótið væri hafið. Framarar voru með talsvert forskot framan af leik og fóru með fjögurra marka forskot inn í klefa þegar gengið var af leikvelli eftir 30 mínútna leik, 13:9.
FH-ingar náðu að snúa við blaðinu snemma í síðari hálfleik og eftir um tíu mínútur var staðan jöfn, 17:17. Hafnarfjarðarliðið var komið yfir um miðjan hálfleikinn. Þótt Framarar reyndi hvað þeir gátu til þess að jafna metin tókst það ekki. Níu mínútum fyrir leikslok var eins marks munur, 21:20, FH í vil.
Mörk Fram U.: Dagmar Guðrún Pálsdóttir 7, Sóldís Rós Ragnarsdóttir 4, Sara Rún Gísladóttir 2, Margrét Á. Bjarnhéðinsdóttir 2, Íris Anna Gísladóttir 2, Eydís Pálmadóttir 2, Valgerður Arnalds 1.
Varin skot: Soffía Steingrímsdóttir 10.
Mörk FH: Hildur Guðjónsdóttir 7, Sigrún Jóhannsdóttir 7, Ragnhildur Edda Þórðardóttir 3, Telma Medos 3, Ivana Meincke 2, Aníta Björk Valgeirsdóttir 2, Emma Havin Sardardóttir 1, Karen Hrund Logadóttir 1.
Varin skot: Sigurdís Sjöfn Freysdóttir 9.
- Auglýsing -
