Umspilskeppni Olísdeildar kvenna í handknattleik fer af stað með tveimur leikjum fimmtudaginn 11. apríl. Önnur umferð verður 14. apríl og oddaleikir 17. apríl. Vinna þarf tvisvar sinnum til þess að komast í úrslit.
Í undanúrslitum umspilsins mætast:
Afturelding – FH (Afturelding með heimaleikjarétt komi til oddaleiks).
Grótta – Víkingur (Grótta með heimaleikjarétt komi til oddaleiks).
Afturelding varð næst neðst í Olísdeild kvenna. FH hafnaði í fjórða sæti Grill 66-deildar kvenna.
Grótta og Víkingar hrepptu annað og þriðja sæti Grill 66-deildar kvenna.
Selfoss varð deildarmeistari í Grill 66-deild kvenna með fullu húsi stiga og fer rakleitt upp í Olísdeild.
Sigurliðin í undanúrslitum mætast úrslitaleikjum um sæti í Olísdeild kvenna á næstu leiktíð.
Fyrsti úrslitaleikurinn verður 22. apríl. Aðrir leikdagar 25., 28., apríl, 1. og 4. maí. Liðið sem fyrr vinnur þrjá leiki öðlast þátttökurétt í Olísdeild kvenna á næstu leiktíð.
Lokastaðan í Olísdeild kvenna.
Lokastaðan í Grill 66-deild kvenna.
