Fjölnir dregur lið sitt út úr bikarkeppninni

Fjölnir hefur ákveðið að draga karlalið sitt út úr Coca Cola-bikarnum í handknattleik en til stóð að liðið mætti Herði frá Ísafirði vestra í 32-liða úrslitum á þriðjudaginn eftir viku. Frá þessu er greint í kvöld í yfirlýsingu á Facebook-síðu handknattleiksdeildar Fjölnis.

Herði verður þar með dæmdur sigur í leiknum og getur farið að búa sig undir þátttöku í 16-liða úrslitum.

Í yfirlýsingu Fjölnis kemur fram að þar sem leikurinn hittir á prófatörn margra leikmanna liðsins sem stunda háskólanám og að ekki hafi tekist að fá leikinn færðan sjái forsvarsmenn deildarinnar sér ekki annað fært en að taka þessa ákvörðun.

Yfirlýsingu Fjölnis má lesa hér fyrir neðan.