Fjölnismenn eru komnir upp í annað sæti Grill66-deildar karla í handknattleik eftir að hafa lagt ungmennalið Hauka, 29:26, í Dalhúsum í kvöld. Fjölnir var yfir, 15:11, eftir 30 mínútur.
Fjölnir er kominn upp að hlið Harðar með 16 stig eftir 10 leiki í deildinni og þar sem Fjölnismenn standa betur að vígi en Ísfirðingar í innbyrðisleikjum þá hafa þeir tyllt sér í annað sæti. ÍR er tveimur stigum á undan í efsta sæti. Þór er í fjórða sæti aðeins fjórum stigum á eftir ÍR. Af þessu má ráða að sjóða mun á keipum þegar keppni hefst á ný í Grill66-deildinni þegar nýtt ár rennur upp.
Mörk Fjölnis: Goði Ingvar Sveinsson 7, Brynjar Óli Kristjánsson 5, Björgvin Páll Rúnarsson 5, Veigar Snær Sigurðsson 3, Óðinn Freyr Heiðmarsson 3, Aðalsteinn Örn Aðalsteinsson 1, Elvar Otri Hjálmarsson 1, Jón Bald Freysson 1, Þorleifur Rafn Aðalsteinsson 1, Aron Breki Oddnýjarson 1, Victor Máni Matthíasson 1.
Mörk Hauka U.: Birkir Snær Steinsson 5, Alex Már Júlíusson 5, Kristófer Máni Jónasson 5, Jakob Aronsson 4, Össur Haraldsson 3, Sigurður Jónsson 2, Gísli Rúnar Jóhannsson 1, Magnús Gunnar Karlsson 1.
Stöðuna og næstu leiki í Grill66-deild karla má sjá hér.
Að vanda er góð myndasyrpa frá leiknum á Facebook-síðu Fjölnis.
