Leikmenn Mílunnar í Árborg voru ekki fyrirstaða fyrir Fjölnismenn í viðureign liðanna í 16-liða úrslitum Coca Cola-bikarkeppni karla í Sethöllinni á Selfossi í kvöld. Fjölnir tók öll völd á leikvellinum í síðari hálfleik og vann með 12 marka mun, 35:23, og mætir Aftureldingu í átta liða úrslitum keppninnar á mánudaginn í Dalhúsum í Grafarvogi.
Mílumenn náðu að halda í við Grill66-deildarlið i fyrri hálfleik. Að honum loknum var munurinn tvö mörk. 17:15.
Samkvæmt leikskýrslu fengu tveir leikmenn beint rautt spjald í Sethöllinni. Annarsvegar Einar Sindri Ólafsson, leikmaður Mílu, og hinsvegar Elvar Þór Ólafsson, liðsmaður Fjölnis.
Mörk Mílunnar: Hörður Másson 8, Atli Kristinsson 6, Atli Hjörvar Einarsson 2, Eyþór Jónsson 2, Trausti Elvar Magnússon 2, Eiar Sindri Ólafsson 1, Aron Tjörvi Gunnlaugsson 1, Sævar Ingi Eiðsson 1.
Mörk Fjölnis: Aðalsteinn Örn Aðalsteinsson 9, Elvar Otri Hjálmarsson 6, Alex Máni Oddnýjarson 4, Þorleifur Rafn Aðalsteinsson 4, Ríkharður Darri Jónsson 2, Dagur Ingi Ingason 2, Viktor Berg Grétarsson 2, Elvar Þór Ólafsson 2, Victor Máni Matthíasson 1, Óðinn Freyr Heiðmarsson 1, Matthías Sæþórsson 1, Aron Breki Oddnýjarson 1.
