Fram 2 vann Val 2 í hörkuleik í Grill 66-deild kvenna í handknattleik í kvöld, 36:34, er leikið var í Lambhagahöllinni. Þetta var annar leikur Vals 2 í vikunni en í fyrrakvöld var Valsliðið á ferð í Grafarvogi og mætti Fjölni.
Valur var marki yfir í hálfleik í Úlfarsárdal í kvöld, 16:15. Í síðari hálfleik jók Valsliðið forskot sitt og var fjórum mörkum yfir, 30:26, þegar átta mínútur voru til leiksloka.
Fyrrverandi samherji Valsstúlkna, Arna Sif Jónsdóttir markvörður, reyndist hins vegar erfið þegar á leið. Hún varði vel í marki Fram og átti sinn þátt í að Framliðið jafnaði metin og komst yfir þegar lokamínúturnar runnu upp. Samhliða frammistöðu Örnu Sifjar skoraði Sóldís Rós Ragnarsdóttir hvert markið á eftir öðru fyrir Framliðið sem vann stigin tvö á síðustu mínútunum.
Staðan og næstu leikir í Grill 66-deildum.
Mörk Fram 2: Sóldís Rós Ragnarsdóttir 11, Sara Rún Gísladóttir 7, Birna Ósk Styrmisdóttir 6, Íris Anna Gísladóttir 4, Sylvía Dröfn Stefánsdóttir 4, Katla Kristín Hrafnkelsdóttir 3, Natalía Jóna Jensdóttir 1.
Varin skot: Arna Sif Jónsdóttir 15.
Mörk Vals 2: Laufey Helga Óskarsdóttir 11, Guðrún Hekla Traustadóttir 10, Anna Margrét Alfreðsdóttir 4, Sara Lind Fróðadóttir 4, Hekla Hrund Andradóttir 3, Eva Steinsen Jónsdóttir 1, Þórdís Gunnarsdóttir 1.
Varin skot: Elísabet Millý Elíasardóttir 15.
Tölfræði leiksins hjá HBStatz.
