Fram2 lagði Víkinga í lokaleik 5. umferðar Grill 66-deildar karla í handknattleik í Lambhagahöllinni í Úlfarsárdal, 35:32. Þetta var fyrsta tap Víkinga í deildinni en þeir hafa lokið fjórum leikjum og hafa sex stig. Fram2 er ásamt Þór í efsta sæti með átta stig þegar fimm leikir eru að baki.
Fram var yfir að loknum fyrri hálfleik, 20:15, og hafði yfirhöndina í leiknum frá byrjun til enda. Víkingi tókst að minnka muninn í eitt mark undir lokin en komst ekki nær.
Max Emil Stenlund lék við hvern sinn fingur og skoraði 11 mörk fyrir Framara. Marel Baldvinsson lét einnig til sín taka og skoraði átta mörk. Ásgeir Snær Vignisson var allt í öllu í sóknarleik Víkings. Hann skoraði 11 mörk eins og Max Emil leikmaður Fram.
Staðan og næstu leikir í Grill 66-deildum.
Mörk Fram2: Max Emil Stenlund 11, Marel Baldvinsson 8, Ólafur Jóhann Magnússon 5, Theodór Sigurðsson 5, Daníel Stefán Reynisson 2, Ólafur Jón Guðjónsson 2, Garpur Druzin Gylfason 1, Kristófer Andri Daðason 1.
Varin skot: Garpur Druzin Gylfason 11.
Mörk Víkings: Ásgeir Snær Vignisson 11, Sigurður Páll Matthíasson 5, Þorfinnur Máni Björnsson 4, Kristján Helgi Tómasson 3, Stefán Scheving Guðmundsson 3, Kristófer Snær Þorgeirsson 3, Halldór Ingi Óskarsson 1, Nökkvi Gunnarsson 1, Halldór Ingi Jónasson 1.
Varin skot: Daníel Andri Valtýsson 8, Bjarki Garðarsson 7.
HBStatz.
