Fram2 lyfti sér upp í annað sæti Grill 66-deildar kvenna með eins marks sigri á Aftureldingu að Varmá í kvöld, 31:30, í hörkuleik. Á sama tíma fögnuðu FH-ingar öðrum sigri sínum í deildinni þegar þeir lögðu Berserki, 32:20, í Víkinni.
Sara Rún Gísladóttir skoraði sigurmark Framara að Varmá þremur sekúndum áður en leiktíminn var á enda. Leikurinn var afar jafn og spennandi frá upphafi til enda. Afturelding náði tveggja marka forskoti, 30:28, þegar hálf þriðja mínúta var til leiksloka. Eftir það gekk hvorki né rak í sóknarleik Aftureldingarliðsins. Liðið tók leikhlé 35 sekúndum fyrir leikslok í jafnri stöðu, 30:30. Hléið skilaði ekki árangri. Sóknarbrot var dæmt á Aftureldingarliðið og Sara Rún og félagar í Fram nýttu sér það til þess að ná í bæði stigin.
Staðan og næstu leikir í Grill 66-deildum.
Afturelding – Fram 2 30:31 (18:18).
Mörk Aftureldingar: Hulda Dagsdóttir 13/3, Lovísa Líf Helenudóttir 5, Fanney Ösp Finnsdóttir 3, Katrín Helga Davíðsdóttir 3, Drífa Garðarsdóttir 1, Anna Katrín Bjarkadóttir 1, Ragnhildur Hjartardóttir 1.
Varin skot: Saga Sif Gísladóttir 10, 35,7% – Ingibjörg Gróa Guðmundsdóttir 6, 31,6%.
Mörk Fram2: Sara Rún Gísladóttir 9/2, Valgerður Arnalds 8, Sóldís Rós Ragnarsdóttir 6, Elín Ása Bjarnadóttir 5, Þóra Lind Guðmundsdóttir 3.
Varin skot: Ethel Gyða Bjarnasen 16, 34,8%.
Tölfræði HBStatz.
Berserkir – FH 20:32 (11:16).
Mörk Berserkja: Thelma Lind Victorsdóttir 9, Heiðrún María Guðmundsdóttir 4, Thelma Dís Harðardóttir 2, Katrín Hallgrímsdóttir 1, Agnes Ýr Bjarkadóttir 1, Birta Dís Lárusdóttir 1, Sandra Björk Ketilsdóttir 1, Birta Líf Haraldsdóttir 1.
Varin skot: Sólveig Katla Magnúsdóttir 7.
Mörk FH: Ena Car 5, Dagný Þorgilsdóttir 4, Gyða Kristín Ásgeirsdóttir 3, Telma Medos 3, Thelma Dögg Einarsdóttir 3, Thelma Dögg Einarsdóttir 3, Ragnhildur Edda Þórðardóttir 3, Hildur Guðjónsdóttir 2, Aníta Björk Valgeirsdóttir 2, Fanney Þóra Þórsdóttir 1, Sara Björg Davíðsdóttir 1, Hafdís Hera Arnþórsdóttir 1, Katrín Ósk Ástþórsdóttir 1.
Varin skot: Bryndís Rós Birgisdóttir 4, Telma Ósk Þórhallsdóttir 2.
Staðan og næstu leikir í Grill 66-deildum.
