Leikmenn gríska karlalandsliðsins sem leika með félagsliðum í heimalandinu koma saman á morgun, þriðjudag, til undirbúings fyrir leikina við íslenska landsliðið í undankeppni EM í næstu viku. Þeir leikmenn sem leika utan Grikklands skila sér einn af öðrum í kringum næstu helgi.
Valinn hefur verið 23-manna hópur handknattleiksmanna vegna leikjanna tveggja við íslenska landsliðið. Sex leikmenn leika utan Grikklands. Athygli vekur að hinn öflugi leikmaður Olympiakos, Savvas Savvas, er ekki í hópnum að þessu sinni.
Íslenska landsliðið kemur saman í Grikklandi eftir viku en fyrri viðureignin fer fram í Chalkida annan miðvikudag.
Grikkir hafa tvö stig í undankeppninni eftir eins marks sigur á Georgíumönnu, 27:26, á heimavelli og eins marks tap fyrir Bosníu, 23:22 í Gazin í Bosníu í byrjun nóvember.
Gríski hópurinn sem valinn var fyrir leikina við Ísland:
Papavasilis, Michaelides, Passias, Papantonopoulos, Tziras, Liapis, Th. Papazoglou (Olympiakos), Arabatzis, Panagiotou, Koukoulas (AEK), Tsakouridis, Kederis, Manthos, Papadionisiou (Diomedes Argous), L. Papazoglou (PAOK), Kritikos (Bianco Monte Drama), M. Stathis (ESN Vrilissia), Boukovinas (Coburg – Þýskalandi), Mallios (Cottbus – Þýskalandi), Toskas (Stuttgart – Þýskalandi), Boskos (Bidasoa – Spáni), Tzortzinis (Slovan Ljubljana – Slóveníu), Alexiou (PAUC – Frakklandi).
