- Auglýsing -
Hannes Höskuldsson og Hulda Dís Þrastardóttir eru handknattleiksfólk Selfoss fyrir árið 2025. Félagið afhenti þeim viðurkenningu af þessu tilefni á samkomu í félagsheimilinu Tíbrá á dögunum.
Hannes er fyrirliði meistaraflokks karla sem tryggði sér upp í Olísdeild karla í vor og hefur farið vel af stað í haust. Hannes er sem stendur þriðji markahæsti leikmaður Olísdeildar karla.
Hulda Dís er lykilmaður í meistaraflokki kvenna sem náði sínum besta árangri í Olísdeild kvenna í sögunni á síðasta tímabili þar sem liðið lenti í 4. sæti deildarinnar. Þá spilaði liðið í fyrsta skipti í Evrópukeppninni nú í haust þar sem þær öttu kappi gegn gríska liðinu AEK Aþenu.
- Auglýsing -
