Eins og því miður mátti búast við þá varð viðureign efsta liðs Grill 66-deildar kvenna og þess neðsta harla ójöfn þegar liðin mættust í 17. umferð deildarinnar í Sethöllinnni á Selfossi í kvöld. Jafnvel þótt Selfoss væri ekki með sitt allra sterkasta lið og dreifði álaginu á alla liðsmenn.
Selfoss sem unnið hefur allar viðureignir sínar í deildinni á tímabilinu vann með 33 marka mun að þessu sinni, 48:15.
Lið Berserkja sem tekur í vetur þátt í Íslandsmótinu er neðst og án stiga en lætur vonandi ekki hug falla heldur mætir reynslunni ríkara til leiks á næsta keppnistímabili.
Staðan að loknum fyrri hálfleik var 22:5. Selfoss skoraði 10 síðustu mörk fyrri hálfleiks á 15 síðustu mínútunum fyrir hálfleikshléið.
Staðan og næstu leikir í Grill 66-deildum.
Mörk Selfoss: Arna Kristín Einarsdóttir 7, Perla Ruth Albertsdóttir 7, Hulda Hrönn Bragadóttir 6, Adela Eyrún Jóhannsdóttir 5, Kristín Una Hólmarsdóttir 5, Tinna Sigurrós Traustadóttir 5, Eva Lind Tyrfingsdóttir 3, Katla Björg Ómarsdóttir 3, Elínborg Katla Þorbjörnsdóttir 2, Hulda Dís Þrastardóttir 2, Rakel Guðjónsdóttir 2, Inga Sól Björnsdóttir 1.
Varin skot: Áslaug Ýr Bragadóttir 10, Ágústa Tanja Jóhannsdóttir 7.
Mörk Berserkja: Gerður Rún Einarsdóttir 6, Auður Margrét Pálsdóttir 3, Agnes Ýr Bjarkadóttir 2, Arna Sól Orradóttir 1, Birta Líf Haraldsdóttir 1, Nína Sördal 1, Thelma Lind Victorsdóttir 1.
Varin skot: Halldóra Sif Guðmundsdóttir 4, Sólveig Katla Magnúsdóttir 4.
