Andrea Gunnlaugsdóttir markvörður hefur ákveðið að ganga til liðs við Gróttu frá Fram. Andrea kom til Gróttu að láni frá Fram í janúar. Henni líkar svo vel vistin og nú hefur verið ritað undir þriggja ára samning.
Andrea lék upp yngri flokka og í meistaraflokki með ÍBV en skipti frá Eyjum yfir til Vals og þaðan til Fram fyrir tveimur árum. Andrea lék 17 leiki með yngri landsliðum og hefur tvisvar verið kölluð inn æfingahóp A-landsliðsins.
„Ég er mjög ánægð með að hafa skrifað undir samning við Gróttu. Mér hefur liðið vel hjá félaginu frá fyrsta degi og það er góður andi og stemning í hópnum. Grótta er með metnaðarfullt verkefni í gangi sem mér líst mjög vel á, og ég er spennt að vera hluti af þeirri vegferð. Ég hlakka til að bæta mig sem leikmaður og leggja mitt af mörkum til góðs árangurs á komandi leiktíð,“ segir Andrea í tilkynningu frá Gróttu en liðið féll úr Olísdeidinni í vor eftir eins árs veru.
„Andrea er gríðarleg styrking fyrir liðið og ljóst að koma hennar mun hjálpa liðinu í baráttunni um að komast aftur í deild þeirra bestu að ári,” segir Júlíus Þórir Stefánsson þjálfari Gróttu í sömu tilkynningu.
