ÍR vann stórsigur á Gróttu í fyrstu viðureign liðanna í undanúrslitum umspils Olísdeildar kvenna, 32:20 í Skógaseli í dag. Hildur Öder Einarsdóttir, markvörður ÍR, átti stórleik, varði 18 skot og skoraði auk þess tvö mörk. Má segja að stórleikur hennar hafi slegið flest vopn úr höndum leikmanna Gróttu sem voru aðeins marki undir að loknum fyrri hálfleik, 12:11.
Næsta viðureign liðanna verður í Hertzhöllinni á Seltjarnarnesi á fimmtudagskvöld. Grótta verður að vinna til þess að ná fram oddaleik.
Selfoss og FH mætast í hinni viðureign umspilsins í Sethöllinni á Selfossi klukkan 18.
Sigurliðin úr þessu tveimur rimmum mætast í leikjum um keppnisrétt í Olísdeild kvenna á næsta keppnistímabili.
Mörk ÍR: Karen Tinna Demian 7, Anna María Aðalsteinsdóttir 4, Sigrún Ása Ásgrímsdóttir 4, Ásthildur Bertha Bjarkadóttir 3, Hanna Karen Ólafsdóttir 3, Matthildur Lilja Jónsdóttir 3, Stefanía Ósk Engilbertsdóttir 3, Laufey Lára Höskuldsdóttir 2, Hildur Öder Einarsdótti 2, Dagbjört Ýr Ólafsdóttir 1.
Varin skot: Hildur Öder Einarsdóttir 18, Ísabella Schöbel Björnsdóttir 2.
Mörk Gróttu: Katrín Helga Sigurbergsdóttir 7, Rut Bernódusdóttir 4, Lilja Hrund Stefánsdóttir 3, Katrín Anna Ásmundsdóttir 2, Guðrún Þorláksdóttir 1, Katrín S, Thorsteinsson 1, Þóra María Sigurjónsdóttir 1, Ída Margrét Stefánsdóttir 1.
Varin skot: Soffía Steingrímsdóttir 4, Ingibjörg Gróa Guðmundsdóttir 2.
