Hilmar Guðlaugsson þjálfari meistaraflokks HK í handknattleik kvenna mun láta af störfum í lok tímabils. Þetta kemur fram í tilkynningu félagsins. Hilmar hefur þjálfað liðið í þrjú ár frá því í vor en það er um þessar mundir í efsta sæti Grill 66-deildar.
„Ásamt því að þjálfa meistaraflokk kvenna gegndi Hilmar um tíma einnig stöðu yfirþjálfara yngri flokka félagsins. Hilmar hefur unnið ötullega að því að byggja upp ungt og öflugt lið meistaraflokks kvenna með góðum árangri en sem stendur situr liðið í efsta sæti Grill 66 deildarinnar í handbolta. Hilmar er svo sannarlega með hjarta HK á réttum stað. Stjórn Handknattleiksdeildar HK þakkar Hilmari fyrir vel unnin störf fyrir HK nú sem fyrr og óskar honum velfarnaðar eftir að hann lýkur störfum í vor,“ segir orðrétt í tilkynningu HK.
Hilmar þjálfaði m.a. áður hjá HK og síðan á Selfossi áður en hann fluttist til Noregs og vann þar m.a. við þjálfun um árabil. Heimfluttur 2023 kom Hilmar til HK.
