Hugsanlega hleypur hressilega á snærið hjá handknattleiksþjálfaranum Þóri Hergeirssyni á morgun. Hann er tilnefndur í kjöri á þjálfara ársins í tveimur löndum, hér á landi og í Noregi. Greint verður frá niðurstöðum í báðum löndum nánast á sama tíma annað kvöld.
Þórir er einn þriggja þjálfara sem varð efstur í kjöri á þjálfara ársins hér á landi í kjöri sem Samtök íþróttafréttamanna stendur fyrir. Greint verður frá niðurstöðunni í hófi Samtakana íþróttafréttamanna og ÍSÍ í Hörpu annað kvöld.
Þórir er síðan á meðal sex þjálfara sem kemur til greina í kjöri á þjálfara ársins í Noregi. Niðurstaða þess kjörs verður einnig upplýst annað kvöld á Idrettsgallaen sem fram fer í Þrándheimi.
Tvisvar á Íslandi – einu sinni í Noregi
Tvisvar hefur Þórir verið valinn þjálfari ársins hér á landi, 2021 og 2022, en einu sinni hreppt hnossið í Noregi 2022.
Ólympíu- og Evrópumeistarar Noregs í handknattleik kvenna sem Þórir þjálfaði er í hópi liða sem tilnefnt er í flokknum, lið ársins.
