Ísland leikur við Serbíu og Spán á mánudag og þriðjudag í milliriðlakeppni heimsmeistaramótsins í handknattleik karla, 19 ára og yngri. Fyrri viðureignin verður gegn Serbum á mánudaginn og verður flautað til leiks klukkan 17.30 samkvæmt leikjaniðurröðun á heimasíðu Alþjóða handknattleikssambandsins. Serbar steinlágu fyrir Spánverjum í dag í uppgjöri efstu liða C-riðils, 42:24, og höfnuðu í öðru sæti.
Á þriðjudaginn mætir íslenska landsliðið því spænska. Áformað er að hafist verði handa við leik klukkan 14.15 að íslenskum tíma.
Tvö efstu lið hvers milliriðils kemst í átta liða úrslitum. Auk Íslands, Serbíu og Spánar á Sádi Arabíu sæti í milliriðli 2.
Riðlakeppni HM lauk í dag. Helmingur þátttökuliðanna, tvö efstu í hverjum riðli, leika í milliriðlum á mánudag og þriðjudag. Tvö neðstu lið hvers riðils bítast um sæti 17 til 32.
Úrslit leikjanna og lokastöðu í riðlunum er að finna í fréttinni hér fyrir neðan auglýsinguna.
