Ungverjar verða andstæðingar Íslendinga í krossspili um sæti 5 til 8 á heimsmeistaramóti 19 ára landsliða karla í handknattleik á morgun. Flautað verður til leiks klukkan 16.30. Ungverjar töpuðu fyrir Þýskalandi síðdegis, 32:31. Þjóðverjar mæta Dönum í undanúrslitum á morgun.
Metfjöldi
Í hinni viðureign undanúrslita eigast við Spánverjar og Svíar. Spænska liðið náð að leggja Egypta í átta liða úrslitum í dag, 31:29, eftir að hafa verið fjórum mörkum undir, 24:20, þegar síðari hálfleikur var hálfnaður. Metfjöldi áhorfenda var á leiknum, 22.150. Aldrei hafa fleiri áhorfendur verið á leik á heimsmeistaramóti 19 ára landsliða.
Sú staðreynd gerir sigur Spánverja enn athyglisverðari því nánast enginn áhorfandi var á bandi spænska liðsins.
Norðmenn mæta heimamönnum
Egyptar leika við Norðmenn í krossspili um sæti fimm til átta. Sigurlið þeirra viðureignar leikur annað hvort við Ísland eða Ungverjaland um 5. sætið á sunnudaginn. Tapliðin úr viðureignum Íslands og Ungverjalands annarsvegar og Egyptalands og Noregs hinsvegar kljást um 7. sætið á sunnudaginn.
Útlit er fyrir að leikur Íslands og Ungverjalands hefjist klukkan 16.30 á morgun. Íslensku piltarnir eiga harma að hefna gegn Ungverjum eftir tap í framlengdum leik um bronsverðlaunin á EM 18 ára landsliða í Podgorica í Svartfjallalandi fyrir ári síðan.
Úrslit leikja átta liða úrslita í dag:
Danmörk – Ísland 32:30 (12:17).
Svíþjóð – Noregur 35:34 (16:17).
Þýskalandi – Ungverjaland 32:31 (15:14).
Spánn – Egyptaland 31:29 (13:15).
Undanúrslit föstudaginn 15. ágúst:
Spánn – Svíþjóð kl. 14.15.
Danmörk – Þýskaland, kl. 16.30.
Krossspil sæti 5 til 8 föstudaginn 15. ágúst:
Egyptaland – Noregur, 14.00.
Ísland – Ungverjaland, kl. 16.30.
Yngri landsliðin – fréttasíða.
