HMU21: Þýskaland varð heimsmeistari – slógu Ungverja út af laginu

Þjóðverjar slógu upp veislu með 9.000 áhorfendum í Max Schmeling Halle í Berlín í kvöld og tryggðu sér heimsmeistaratitilinn í handknattleik karla, skipað leikmönnum 21 árs og yngri. Þeir unnu afar öruggan sigur á Ungverjum í úrslitaleik, 30:23, eftir að hafa verið þremur mörkum yfir að loknum fyrri hálfleik, 14:11.

Síðari hálfleikur var aldrei spennandi, til þess var þýska liðið einfaldlega alltof sterkt. Ungverska liðið, sem hefur leikið allra liða best í keppninni brotnaði undan stemningunni og varð aldrei sjálfu sér líkt.

Þetta er í þriðja sinn sem Þýskaland vinnur heimsmeistaratitilinn í aldursflokki 21 árs og yngri og fyrsta sinn í 12 ár.

Röð liðanna á mótinu: