Ísak og Guðmundur í góðri stöðu

TMS Ringsted vann annan leik sinn í umspili liðanna í neðri hluta dönsku úrvalsdeildarinnar í dag. Liðið lagði þá Nordsjælland á útivelli, 30:26, og hefur um leið svo gott sem komist hjá því að hafna í neðsta sæti umspilsins. Neðsta lið umspilskeppninnar mætir liði úr næsta efstu deild í viðureignum um keppnisrétt í úrvalsdeildinni á næstu leiktíð.

Ísak Gústafsson skoraði tvö mörk í þremur skotum fyrir TMS Ringsted í sigurleiknum í Helsinge-hallen. Auk þess gaf hann eina stoðsendingu og var einu sinni vikið af leikvelli.
Guðmundur Bragi Ástþórsson skoraði ekki mark fyrir TMW Ringsted. Hann gaf eina stoðsendingu.