Íslenska landsliðið féll niður um eitt sæti á kraftlista (poweranking) Handknattleikssambands Evrópu, EHF, eftir að riðlakeppni Evrópumótsins lauk, þrátt fyrir að vinna allar viðureignir sína í riðlakeppninni. Ísland situr um þessar mundir í 5. sæti, við upphaf milliriðlakeppninnar en var í fjórða sæti þegar EM hófst 15. janúar.
Sigur Portúgal á Danmörku færði portúgalska liðið upp í fjórða sæti úr því sjötta og felldi Dani um leið af toppnum niður í þriðja sæti.
Staða tíu efstu þjóða á kraftlista EHF við upphaf milliriðlakeppni EM. Innan sviga er staða þjóðanna við upphaf mótsins.
1.Frakkland (2).
2.Svíþjóð (3).
3.Danmörk (1).
4.Portúgal (6).
5.Ísland (4).
6.Þýskaland (5).
7.Ungverjaland (6).
8.Spánn (9).
9.Króatía (7).
10.Noregur (var ekki á meðal 10 efstu við upphaf mótsins).
