Íslenska landsliðið í handknattleik karla verður í öðrum styrkleikaflokki af fjórum þegar dregið verður í riðla lokakeppni heimsmeistaramótsins í handknattleik karla sem fram fer í janúar í Króatíu, Danmörku og Noregi.
Dregið verður í riðla í Zagreb í Króatíu á næsta miðvikudag, 29. maí. Ísland var í efsta styrkleikaflokki þegar dregið var í riðla fyrir HM 2023.
Alþjóða handknattleiksleiksambandið birti staðfesta styrkleikaflokka í morgun en úr þeim verður dregið. Að vanda dragast saman eitt lið úr hverjum flokki í hvern riðil.
Þannig raðaðist í styrkleikaflokkana fjóra:
| 1. flokkur: | 2. flokkur: |
| Danmörk | Portúgal |
| Frakkland | Króatía |
| Svíþjóð | Austurríki |
| Þýskaland | Ísland |
| Ungverjaland | Holland |
| Slóvenía | Spánn |
| Noregur | Ítalía |
| Egyptaland | Tékkland |
| 3. flokkur: | 4. flokkur: |
| Pólland | Barein |
| N-Makedónía | Túnis |
| Katar | Chile |
| Brasilía | Kúveit |
| Argentína | Grænhöfðaeyjar |
| Kúba | Gínea |
| Japan | Bandaríkin – boðskort |
| Alsír | Sviss – boðskort. |
Þegar hefur átta þjóðum verið raðað niður á riðla:
A-riðil: Þýskaland (1. flokkur).
B-riðill: Danmörk (1. flokkur).
A og B-riðill: Jyske Bank Boxen, Herning, Danmörk
C-riðill: Austurríki (2. flokkur) – Poreč, Króatía
D-riðill: Ungverjaland (1. flokkur) – Varaždin, Króatía
E-riðill: Noregur (1. flokkur).
F-riðill: Svíþjóð (1. flokkur).
E og F-riðill: Telenor Arena, Ósló, Noregur
G-riðill: Slóvenía (1. flokkur).
H-riðill: Króatía (2. flokkur).
G og H-riðlar: Arena Zagreb, Zagreb, Króatía
Þar sem Ísland er í 2. styrkleikaflokki þá getur landsliðið ekki dregist í C eða H-riðla vegna þess að Austurríki og Króatía eru einnig í öðrum styrkleikaflokki.
Sjá einnig:
HM karla 2025 – leikdagar og leikstaðir
