Ísland verður með í fyrsta sinn í 12 ár – dregið í dag

Í dag verður dregið í Vínarborg í riðla lokakeppni Evrópumótsins í handknattleik kvenna. Mótið fer fram frá 28. nóvember til 15. desember í Austurríki, Ungverjalandi og Sviss.

Nafn Íslands verður á meðal þeirra 24 þjóða sem dregin verða úr skálunum upp úr klukkan 16 í dag. Tólf ár eru liðin frá því að Ísland var síðast með í lokakeppni Evrópumóts kvenna

Ísland er í þriðja styrkleikaflokki af fjórum. Flokkarnir eru hér fyrir neðan.

Dregið verður í sex fjögurra liða riðla.

• Ungverjaland verður í A-riðli í Debrecen.
  
• Svartfjallaland verður í B-riðli í Debrecen.
  
• Frakkland verður í C-riðli í Basel.
  
• Sviss verður í D-riði í Basel.
  
• Austurríki verður í E-riðli í Innsbruck.
  
• Þýskaland verður í F-riðli í Innsbruck.
  
• Riðlakeppnin verður leikin í Debrecen í Ungverjalandi, Basel í Sviss og Innsbruck í Austurríki.
  
• Milliriðlar verða leiknir í Debrecen og Vínarborg.
  
• Úrslitahelgi EM fer fram í Vínarborg.
  
• EM hefst 28. nóvember og lýkur með úrslitaleik 15. desember.