Íslandsmeistarar FH í handknattleik karla er afrekslið Hafnarfjarðar 2024. Tóku nokkrir leikmenn ásamt þjálfaranum Sigursteini Arndal við viðurkenningu frá bænum í gær í hófi sem haldið var í íþróttahúsinu við Strandgötu þar sem FH-ingar hafa marga hildi háð.
„Meistaraflokkur karla hjá FH varð bæði deildar- og Íslandsmeistarar á árinu. Liðið lék afar vel í deildarkeppninni á síðasta tímabili og endaði á því að tryggja sér deildarmeistaratitillinn í lokaumferð deildarinnar. Þetta var fyrsti deildarmeistaratitill FH frá árinu 2017. Í úrslitakeppninni sjálfri stóð liðið svo einnig uppi sem sigurvegari eftir að hafa slegið út KA í 8 – liða úrslitum, ÍBV í undanúrslitum og síðar Aftureldingu í sjálfu úrslitaeinvíginu. FH varð þar með Íslandsmeistari í fyrsta sinn síðan 2011 og í 16. sinn innanhúss. FH-liðið tók einnig þátt í Evrópubikarnum á síðastliðnu tímabili og náði þar frábærum árangri. Liðið sló út Argos frá Grikklandi, Bocholt frá Belgíu og Partizan Belgrad frá Serbíu áður en það féll úr leik gegn hinu öfluga Tatran Presov frá Slóvakíu,“ segir í rökstuðningi Hafnarfjarðarbæjar fyrir útnefningunni.
Sjá einnig: Perla Ruth kjörin íþróttakona Selfoss
Elín Klara er íþróttakona Hafnarfjarðar annað árið í röð
Þorsteinn Leó íþróttakarl Aftureldingar annað árið í röð
Elín Jóna og Ómar Ingi handknattleiksfólk ársins
