Dregið hefur verið í fyrstu umferð þýsku bikarkeppninnar í handknattleik karla. Leikirnir eiga að fara fram 16. og 17. ágúst. Í pottinum voru nöfn 12 liða úr 3. deild og tíu liða sem voru í 2. deild á síðustu leiktíð. Öll liðin 18 úr efstu deild sitja hjá í 1. umferð auk átta liða sem voru í 2. deild í vetur sem leið.
Nokkrir Íslendingar verða snemma á ferðinni í bikarkeppninni þetta árið.
Eftirtalin lið drógust saman:
(Nöfn Íslendinga sem eru hjá félögunum eru innan sviga).
HC Eintracht Hildesheim – HSG Nordhorn-Lingen (Elmar Erlingsson).
HSG Krefeld Niederrhein – GWD Minden.
TuS Vinnhorst – Dessau Roßlauer HV.
HC Empor Rostock – VfL Eintracht Hagen (Hákon Daði Styrmisson).
TSG A-H Bielefeld – Bergischer HC (Arnór Þór Gunnarsson).
MTV Braunschweig – TV Emsdetten.
VfL Pfullingen – TV Hüttenberg.
Longericher SC – TSV Bayer Dormagen.
Wölfe Würzburg – TV Großwallstadt.
HC Oppenweiler/Backnang – HC Elbflorenz (Viktor Petersen Norberg).
TV Gelnhausen – HSC 2000 Coburg.
Önnur umferð bikarkeppninnar verður leikin í lok september og í upphafi október. Þá mæta liðin úr efstu deild til leiks ásamt liðum úr næst efstu deild sem sitja yfir í 1. umferð.
