Ívar Bessi tognaði á ökkla – frá keppni um tíma

Ívar Bessi Viðarsson leikmaður ÍBV tók ekki þátt í leik liðsins gegn Val í upphafsumferð Olísdeildar í síðustu viku. Magnús Stefánsson þjálfari ÍBV sagði handbolta.is að Ívar Bessi hafi ekki tekið þátt í leiknum vegna meiðsla. Hann hafi tognað illa á ökkla og við það hafi flísast upp úr beini.

Hætt er við að Ívar Bessi verði frá keppni um tíma. Meiðslin er ekki nærri eins alvarleg og þau sem hann varð fyrir í undanúrslitaleik Poweradebikarkeppninnar í byrjun mars og héldu pilti frá æfingu og keppni um langan tíma.

ÍBV tekur á móti Stjörnunni í 2. umferð Olísdeildar í íþróttamiðstöðinni í Vestmannaeyjum á föstudagskvöldið. Flautað verður til leiks klukkan 19.45.

Olísdeild karla.

Leikjdagskrá og staðan í Olísdeildum.