Þrátt fyrir átta marka sigur á Sandnes á útivelli í síðustu umferð norsku úrvalsdeildarinnar í dag, 33:25, varð Íslendingaliðið Kolstad að gera sér annað sætið að góðu, stigi á eftir Elverum sem varð norskur meistari í fyrsta sinn frá 2022. Elverum hafði verið nánast áskrifandi að meistaratitlinum á árunum fyrir 2022. Kolstad varð meistari í fyrsta sinn 2023 og aftur á síðasta ári.
Sigvaldi Björn Guðjónsson var atkvæðamestur Íslendinganna fjögurra í sigurleiknum í Sandnes í dag. Hann skoraði sex mörk og var næst markahæstur.
Sveinn Jóhannsson skoraði tvö mörk Honum var einu sinni vikið af leikvelli. Bræðurnir Arnór Snær og Benedikt Gunnar skoruðu ekki mark. Sá síðarnefndi átti fjórar stoðsendingar.
Ísak og félagar í áttunda sæti
Ísak Steinsson landsliðsmarkvörður og liðsfélagar í Drammen HK höfnuðu í áttunda sæti og komast þar með í úrslitakeppnina. Drammen tapaði fyrir Bækkelaget í Ósló í dag með minnsta mun, 27:26. Ísak var skamman tíma í marki Drammen-liðsins og varði 1 skot af sjö sem hann fékk á sig.
Næst á dagskrá er úrslitakeppnina. Í átta liða úrslitum mætast:
Elverum – Drammen.
Kolstad – Halden.
Runar – ØIF Arendal.
Bergen – Nærbø.
Fyrstu leikir fara fram 9. apríl. Vinna þarf tvær viðureignir til að komast í undanúrslit.
