Kristófer Tómas skrifar undir þriggja ára samning

Unglingalandsliðsmaðurinn Kristófer Tómas Gíslason hefur skrifað undir nýjan þriggja ára samning við uppeldisfélag sitt Fram.

Kristófer Tómas, sem er nýorðinn 18 ára gamall, þykir mikið efni í handknattleiksmann. Hann lék á þremur vígstöðum á liðnu tímabili: í 3. flokki, lék með Fram í Grill 66-deildinni og svo kom hann við sögu í nokkrum leikjum í Olísdeildinni. Einnig er Kristófer Tómas í 18 ára landsliðinu sem hefur æft einstöku sinnum í vetur til undirbúnings fyrir EM á sumrin.

Kristófer Tómas átti sæti í 17 ára landsliðinu sem vann til gullverðlauna á Ólympíuhátíð Evrópuæskunnar í Skopje síðasta sumar.