Kveður ÍR og mun vera á leiðinni til Vals

Viktor Sigurðsson hefur ákveðið að endurnýja ekki samning sinn við ÍR nú þegar liðið er fallið úr Olísdeildinni. Frá þessu er sagt á Facebooksíðu ÍR. Þess er getið að hann ætli að leika í Olísdeildinni á næstu leiktíð. Samkvæmt heimildum handbolta.is er Viktor á leiðinni til Íslandsmeistara Vals.

Viktor hefur undanfarin ári leikið stórt hlutverk hjá ÍR-ingum. Hann varð m.a. fjórði markahæsti leikmaður Olísdeildar en keppni í deildinni lauk á mánudaginn. Viktor skoraði 127 mörk í 22 leikjum ÍR-liðsins.