Landsliðskonurnar Andrea Jacobsen og Díana Dögg Magnúsdóttir voru í eldlínunni með Blomberg-Lippe í dag þegar liðið vann góðan sigur á útivelli á Sport-Union Neckarsulm, 37:31. Með sigrinum færðist Blomberg -Lippe upp í sjötta sæti deildarinnar með sex stig að loknum fimm leikjum.
Díana Dögg skoraði fjögur mörk, átti tvær stoðsendingar og var með fimm sköpuð færi.
Andrea skoraði eitt mark, gaf þrjár stoðsendingar og vann eitt vítakast.
Báðar eru þær búnar að pakka niður í töskur eru lagðar af stað heim til Íslands vegna æfinga landsliðsins sem hefjast á morgun. Framundan eru tveir vináttuleikir gegn pólska landsliðinu á föstudag og laugardag.
Blomberg -Lippe var með tögl og hagldir í leiknum í dag og hafði m.a. sex marka forskot þegar fyrri hálfleikur var að baki, 18:12.
Stöðuna í þýsku 1. deild kvenna í Þýskalandi er að finna hér ásamt stöðum í fleiri deildum evrópsks handknattleiks.
