- Auglýsing -
Viðureign Hauka og ÍBV í Olísdeild karla sem til stóð að færi fram á Ásvöllum á morgun, laugardag, hefur verið frestað um sólarhring vegna þess að lið ÍBV á ekki tök á því að komast uppá land í tæka tíð, eins og segir í tilkynningu frá mótastjóra HSÍ.
Áformað er að leikurinn fari fram á sunnudaginn á Ásvöllum og verður flautað til leiks hvorki fyrr né síðar en klukkan 16.
Einnig hefur leik ÍBV og Hauka, sem er á dagskrá Olísdeildar kvenna og vonir stóðu til að færi fram í Vestmannaeyjum á morgun, verið frestað vegna ófærðar og veðurs. Ekki hefur verið ákveðið hvenær þess verður freistað að koma viðureigninni á dagskrá.
Staðan og næstu leikir í Olísdeildum.
- Auglýsing -
