„Við reiknuðum með hörkuleik eftir góða frammistöðu Selfoss gegn Val í síðustu umferð. Reyndar var smá hikst á okkur í upphafi en þegar okkur tókst að loka vörninni þá litum við aldrei um öxl,“ sagði Haraldur Þorvarðarson þjálfari Fram kampakátur með fyrsta sigur Framara í Olísdeild kvenna undir hans stjórn í dag.
Fram vann Selfoss, 40:31, í markaleik í Lambhagahöllinni.
„Um leið og lifnaði yfir vörninni þá fengum við einnig hraðaupphlaup sem auðvelduðu okkur róðurinn,“ bætti Haraldur við en hann tók við þjálfun Framliðsins í sumar. Um leið varð mikil uppstokkun á leikmannahópnum og reyndir leikmenn rifuðu seglin og yngri tóku við.
Lengra viðtal við Harald er í myndskeiði hér fyrir ofan.
Tölfræði leiksins hjá HBStatz.
Framarar fóru nokkuð létt með Selfyssinga
Staðan í Olísdeildum og næstu leikir.
