- Auglýsing -
Íslenska landsliðið í handknattleik kvenna, skipað leikmönnum 18 ára og yngri, leikur við landslið Rúmeníu og Egyptalands í milliriðlakeppni heimsmeistaramótsins í Chuzhou á mánudag og þriðjudag. Rúmenar unnu Egypta í G-riðli, 36:29, í síðustu umferð í morgun og fengu þar með þriðja sæti riðilsins.
Á mánudaginn leikur íslenska landsliðið við Egyptaland sem tapað hefur öllum þremur viðureignum sínum til þessa. Samkvæmt leikjadagskrá á leikur Íslands og Egyptalands að byrja klukkan 18 að staðartíma, 10 að íslenskum tíma.
Þriðjudaginn 20. ágúst stendur til að leikur Íslands og Rúmeníu hefjist klukkan 16 að staðartíma, 8 að íslenskum tíma.
Eftir leikina í milliriðlum taka við leikir 22. og 23. ágúst. Frídagur verður miðvikudaginn 21. ágúst.
- Auglýsing -
