Íslandsmeistarar Vals unnu ÍR með níu marka mun í Olísdeild kvenna í handknattleik í dag í síðasta leik fyrstu umferðar, 35:26. Leikurinn fór fram á Hlíðarenda og var Valsliðið með þriggja marka forskot þegar blásið var til hálfleiks, 17:14.
ÍR-ingar byrjuðu leikinn af miklum dugnaði og hafði frumkvæðið fyrstu 15 til 20 mínúturnar. Eftir það náði Valsliðið betri tökum á leiknum. Þegar komið var fram í síðari hálfleik þá skildu leiðir og munurinn jókst verulega. Um miðjan hálfleik var forskot Vals komið í níu mörk, 26:17 en mestu munaði 10 mörkum, 32:22.
Mörk Vals: Þórey Anna Ásgeirsdóttir 8/4, Elín Rósa Magnúsdóttir 5, Elísa Elíasdóttir 5, Thea Imani Sturludóttir 5, Ásdís Þóra Ágústsdóttir 3, Arna Karitas Eiríksdóttir 2, Hildigunnur Einarsdóttir 2, Lovísa Thompson 2, Sigríður Hauksdóttir 1, Lilja Ágústsdóttir 1, Sara Lind Fróðadóttir 1.
Varin skot: Hafdís Renötudóttir 9, 31% – Silja Müller 0.
Mörk ÍR: Sara Dögg Hjaltadóttir 5/2, Hanna Karen Ólafsdóttir 4, Katrín Tinna Jensdóttir 4, Karen Tinna Demian 4, Matthildur Lilja Jónsdóttir 3, Ásthildur Bertha Bjarkadóttir 2, María Leifsdóttir 1, Anna María Aðalsteinsdóttir 1, Sylvía Sigríður Jónsdóttir 1, Vaka Líf Kristinsdóttir 1.
Varin skot: Ingunn María Brynjarsdóttir 4, 13,8% – Ísabella Schöbel Björnsdóttir 1, 9,1%.
Staðan og næstu leikir í Olísdeildum.
Tölfræði leiksins hjá HBStatz.
