Mögnuð tilþrif Eyjamannins í Kassel – myndasyrpa

Eyjamaðurinn Elliði Snær Viðarsson skoraði mark með órúlegum tilþrifum í gær þegar lið hans, Gummersbach, mætti Melsungen í æfingaleik í Rothenbach-Halle í Kassel í gær.

Elliði Snær greip boltann á línunni og tókst síðan á einhvern stórfenglegan hátt að sveifla boltanum yfir varnarlausan markvörð Melsungen liðsins sem vissi vart hvaðan á sig stóð veðrið.

Þetta var eitt þriggja marka Elliða Snæs í leiknum sem Gummersbach tapaði með fjögurra marka mun, 38:34. Arnar Freyr Arnarsson skoraði tvö mörk fyrir Melsungen.

Syrpu með tilþrifum Elliða Snæs er að finna á Facebook-síðu Gummersbach sem nálgast má hér fyrir neðan.