- Auglýsing -
- Arnór Viðarsson skoraði eitt mark en átti tvö markskot þegar lið hans, HF Karlskrona, og Malmö skildu jöfn í Baltiska Hallen í Malmö í gær í sænsku úrvalsdeildinni í handknattleik, 32:32. Arnóri var einnig vikið einu sinni af leikvelli í tvær mínútur. HF Karlskrona hafði fimm marka forskot að loknum fyrri hálfleik, 20:15.
- HF Karlskrona er í 5. sæti með sjö stig að loknum sjö leikjum en jafntefli í Malmö var það fyrsta hjá liðinu á leiktíðinni.
- Eftir góðan sigur á Malmö um síðustu helgi töpuðu Arnar Birkir Hálfdánsson og liðsfélagar í Amo HK fyrir Guif á heimavelli, 31:30, í sænsku úrvalsdeildinni í gær. Arnar Birkir skoraði þrjú mörk í sex tilraunum til að skora.
- Amo HK er aðeins stigi á eftir HF Karlskrona í 10. sæti en einungis skilja tvö stig að liðið í fjórða sæti og því tólfta.
- Stöðuna í sænsku úrvalsdeildinni og í fleiri deildum evrópsks handknattleiks er að finna hér.
- Sveinn Jóhannsson skoraði tvö mörk í þremur skotum fyrir Chambéry í heimsókn til PAUC-Aix í frönsku 1. deildinni í handknattleik í gær. Leiknum lauk með jafntefli, 32:32. Chambéry hafði þriggja marka forskot þegar fyrri hálfleikur var að baki, 16:13. Chambéry situr í 11. sæti af 16 liðum með fjögur stig eftir sex umferðir.
- Auglýsing -
