Elín Jóna Þorsteinsdóttir markvörður íslenska landsliðsins og Aarhus Håndbold. Ljósmynd/Hafliði Breiðfjörð
- Auglýsing -
Elín Jóna Þorsteinsdóttir varði tvö skot af 10 þann tíma sem hún stóð í marki Aarhus Håndbold í tapi liðsins á heimavelli, 29:25, København Håndbold í dönsku úrvalsdeildinni í handknattleik í gærkvöld. Aarhus Håndbold er í 12. sæti af 14 liðum deildarinnar með 12 stig þegar fjórar umferðir eru eftir, þremur stigum fyrir ofan neðsta liðið. Skanderborg Håndbold. København Håndbold er í sjötta sæti.
Vinstri hornakonan Ragnhildur Edda Þórðardóttir hefur skrifað undir nýjan samning við handknattleiksdeild til næstu tveggja ára. Hún hefur leikið með FH frá 2022 er hún kom til félagsins frá Val.
Ásdís Halla Hjarðar 17 ára línukona og Birna María Unnarsdóttir 17 ára miðjukona hafa skrifað undir tveggja ára samninga við ÍBV. Báðar hafa leikið með ÍBV í Olísdeild kvenna í vetur. Þær kom upp úr öflugu yngri flokkkastarfi ÍBV.
Logi Finnsson hefur skrifað undir samning við handknattleiksdeild Vals sem gildir fram á sumarið 2027. Logi, sem varð 17 ára á árinu, leikur sem línumaður í sókn og yfirleitt í miðju eða bakverði í vörninni.
Jafnaldri Loga, Bjarki Snorrason, hefur einnig skrifað undir samning við handknattleiksdeild Vals sem gildir fram á sumar 2027. Bjarki, sem verður 17 ára á árinu er örvhentur leikmaður sem leikur í hægri skyttustöðu.
