- Auglýsing -
- Danski handknattleiksmarkvörðurinn Emil Nielsen gengur ekki til liðs við Barcelona á næsta sumri eins vonir stóðu til. Nielsen ætlar að leika með Nantes í Frakklandi út samningstíma sinn vorið 2022. Viðræður um kaup Barcelona á markverðinum hafa siglt í strand. Vegna kórónuveirunnar mun hafa þrengt að Barcelona eins og öðrum félögum og það var ekki tilbúið að greiða það sem Nantes vidi frá fyrir hinn 23 ára gamla markvörð sem hefur slegið í gegn með Nantes undanfarin tvö keppnistímabil.
- Danska meistaraliðið Aalborg Håndbold, þar sem Arnór Atlason er aðstoðarþjálfari, vann Mors-Thy, 28:26, á útivelli í dönsku úrvalsdeildinni í handknattleik í gærkvöld. Aalborg var yfir í hálfleik, 15:12. Aalborg er í öðru sæti deildarinnar, stigi á eftir GOG, en hefur leikið tveimur leikjum fleira.
- Neistin, liðið sem Arnar Gunnarsson þjálfari, tapaði í gærkvöld fyrir VÍF með fjögurra marka mun, 32:28, á heimavelli í færeysku úrvalsdeildinni í handknattleik. Um var að ræða endurtekinn leik en fyrri leikur liðanna í haust var strikaður út. VÍF var fjórum mörkum yfir í hálfleik, 16:12. Neistamenn komust yfir skömmu eftir miðjan síðari hálfleik en náðu ekki að halda forskotinu og VÍF frá Vestmanna var sterkara á endasprettinum. H71 er efst í deildinni með 21 stig eftir 13 leiki en VÍF er stigi og leik á eftir. Neistin er með 17 stig eftir 13 leiki.
- Sænski landsliðsmaðurinn Simon Jeppsson leikur ekki með landsliði Svía á HM í Egyptalandi. Jeppsson meiddist í hné og leikur ekki handknattleik á ný fyrr en í febrúar í fyrsta lagi. Jeppsson leikur með Erlangen í Þýskalandi.
- Auglýsing -
