- Auglýsing -
- Hákon Daði Styrmisson hafði hægt um sig og skoraði aðeins eitt mark þegar Gummersbach komst í þriðju umferð þýsku bikarkeppninnar í gærkvöld með öruggum sigri á Ferndorf, 30:22, á heimavelli. Elliði Snær Viðarsson skoraði ekki mark fyrir Gummersbach-liðið en þjálfari þess er Guðjón Valur Sigurðsson.
- Aðalsteinn Eyjólfsson og lærisveinar hans í Kadetten halda sínu striki í svissnesku 1. deildinni í handknattleik. Í gærkvöld kjöldrógu leikmenn Kadetten liðsmenn HC Kriens, 28:15, í sjöttu umferð deildarinnar. Kadetten er efst í deildinni með 12 stig eftir sex umferðir.
- Gísli Þorgeir Kristjánsson og Ómar Ingi Magnússon og félagar leika til úrslita við Barcelona á heimsmeistaramóti félagsliða í Jedda í Sadi-Arabíu á morgun. Magdeburg vann Aalborg Håndbold í gær, 32:30. Michael Damgaard skoraði 11 mörk fyrir Magdeburg en þeir Burster Juul og Kristian Björnsen skoruðu fimm mörk hvor fyrir Álaborgarliðið sem var án Arons Pálmarssonar í þessu móti.
- Barcelona vann Pinheiros frá Sao Paulo í hinni viðureign undanúrslitanna, 39:24. Brasilíumennirnir mæta Aalborg í leik um þriðja sæti á morgun.
- Auglýsing -
