- Auglýsing -
- Marija Jovanovic sem kvaddi ÍBV í upphafi ársins eftir eins og hálfs árs veru hefur fengið félagaskipti til Ítalíu.
- Franski landsliðsmaðurinn Elohim Prandi meiddist illa á vinstri ökkla á síðustu mínútu leiks Frakka og Spánverja í milliriðlakeppninni í Kraká í gærkvöld. Hugsanlega hefur hann lokið keppni á mótinu.
- Niclas Kirkeløkke er kominn inn í danska landsliðið í handknattleik. Hann kemur í stað Rasmus Lauge sem er og hefur verið meiddur og ekkert leikið með danska landsliðinu á HM. Ekki er útlit fyrir að Lauge taki þátt í heimsmeistaramótinu.
- Allir í sænska landsliðinu í handknattleik karla fengu neikvæða niðurstöðu úr covidprófi í gærkvöld. Þeir geta þar með hiklaust tekið þátt í átta liða úrslitum mótsins þar sem þeirra bíður leikur við annað hvort Danir eða Egypta.
- Zoran Roganovic sagði starfi sínu lausu sem landsliðsþjálfari Svartfjalllands í handknattleik karla rétt eftir síðasta leik Svartfellinga á HM í gær. Roganovic er einnig að þjálfara Guif í Eskilstuna. Hann segir tíma kominn til að einbeita sér að félagsliðinu. Á laugardaginn tilkynnti fyrirliði Svartfellinga, Vasko Sevaljevic, að hann bindi enda á ferilinn með landsliðinu að HM loknu.
- Hinn gamalreyndi þjálfari landsliðs Íran, Veselin Vujovic, segir ekki útilokað að hann haldi áfram þjálfun landsliðsins. Hann samdi við íranska handknattleikssambandið á síðasta vori um að þjálfa karlalandsliðið. Undir stjórn Vujovic komst íranska liðið í milliriðlakeppni HM að þessu sinni.
- Auglýsing -
