- Auglýsing -
- Teitur Örn Einarsson er í liði 3. umferðar í þýsku 1. deildinni í handknattleik. Teitur Örn skoraði fimm mörk úr fimm skotum þegar Flensburg vann Hannover-Burgdorf á útivelli á laugardaginn, 35:25. Þetta er í fyrsta sinn sem Selfyssingurinn er valinn í lið umferðarinnar eftir að hann fluttist til Flensburg-Handewitt fyrir 11 mánuðum.
- Hildur María Leifsdóttir hefur ákveðið að ganga til liðs við við Fjölni/Fylki í Grill66-deildinni. Hún kemur til félagsins frá ÍR. Hildur María, sem er hornamaður, hefur einnig leikið fyrir HK.
- Böðvar Páll Ásgeirsson verður gjaldgengur með Aftureldingu í næsta leik liðsins í Olísdeild karla. Félagaskipti hans frá Hvidovre IF í Danmörku til Aftureldingar voru samþykkt í gær. Afturelding tekur á móti FH í annarri umferð Olísdeildar karla að Varmá á föstudagskvöld.
- Danski hornamaðurinn Magnus Landin hefur skrifað undir nýjan samning við THW Kiel. Samningurinn gildir fram á mitt ár 2025.
- Karlalandslið Úkraínu leikur heimaleik sinn við landslið Færeyja í undankeppni EM 12. október nk. í Þýskalandi, nánar tiltekið í Arena in Aschaffenburg, heimavelli TV Großwallstadt.
- Nebojsa Simic landsliðsmarkvörður Svartfellinga hefur skrifað undir nýjan samning við Melsungen. Samningurinn gildir til ársins 2026. Simic, sem er 29 ára gamall, hefur verið markvörður Melsungen fra árinu 2017.
- Auglýsing -
