Björgvin Páll Gústavsson markvörður Vals og íslenska landsliðsins í handknattleik lék á als oddi með Val gegn Porto í annarri umferð riðlakeppni Evrópudeildarinnar í Kaplakrika á þriðjudaginn. Ekki síst í síðari hálfleik fór Björgvin Páll á kostum og átti stóran þátt í að Valur vann upp sjö marka forskot og krækti í annað stigið, 27:27. Reyndar var Valur nærrri sigri.
Björgvin Páll varði 19 skot, 43%, í leiknum, þar af tvö vítaköst. Einnig skoraði hann þrjú mörk og átti eitt stangarskot.
Hafliði Breiðfjörð ljósmyndari náði frábærri myndaröð af Björgvin Páli þegar hann skorar eitt mark sinna í leiknum. Rétt áður hafði skot hans yfir allan völlinn hafnað í stöng Porto-marksins. Til leggja áherslu á að honum bregst eki bogalistin í tveimur skotum í röð lyftir Björgvin Páll tveimur fingrum á loft.
Smellið á myndirnar til að sjá þær stærri.
Fleiri myndasyrpur:
Rautt spjald – Andri var stöðvaður á háskalegan hátt – myndir
𝑂𝑛𝑐𝑒 𝑢𝑝𝑜𝑛 𝑎 𝑡𝑖𝑚𝑒 𝑖𝑛 𝐼𝑐𝑒𝑙𝑎𝑛𝑑, 𝑡ℎ𝑒𝑟𝑒 𝑤𝑎𝑠 𝑎 𝑚𝑎𝑛 𝐵𝑗𝑜̈𝑟𝑔𝑣𝑖𝑛 𝑃𝑎𝑙𝑙 𝐺𝑢𝑠𝑡𝑎𝑣𝑠𝑠𝑜𝑛. 🇮🇸🤠 #ehfel #allin #elm #handball #håndbold @valurhandbolti pic.twitter.com/BxLGOFZqQv
— EHF European League (@ehfel_official) October 19, 2024
