- Auglýsing -
Eins og endranær þá voru fjöldi Íslendinga á meðal áhorfenda í gær þegar leikmenn íslenska landsliðsins kjöldrógu landsliðsmenn Svartfellinga í lokaumferð milliriðlakeppni Evrópumótsins í handknattleik í MVM Dome- íþróttahöllinni glæsilegu í Búdapest. Stórsigur og mikil gleði utan vallar sem innan. Strákarnir okkar fengu hressilegan stuðning.
Nú er aðeins einn leikur eftir hjá íslenska landsliðinu, gegn Noregi á morgun í leik um 5. sæti mótsins. Sigurliðið tryggir sér farseðilinn á heimsmeistaramótið sem fram fer í Svíþjóð og Póllandi eftir ár. Taplið leiksins tekur þátt í umspilsleikjum, heima og að heiman í apríl.
Hafliði Breiðfjörð ljósmyndari fangaði stemninguna eins og á fyrri leikjum Íslands á EM eins og sjá má myndum hans hér fyrir neðan.
- Auglýsing -
