Myndir: Styttist í úrslitaleikinn í Gautaborg

Klukkan 18.15 hefst úrslitaleikur Íslands og Spánar á Opna Evrópumóti 19 ára landsliða í handknattleik karla. Leikurinn fer fram í Scandinavium íþróttahöllinni í Gautaborg. Þar verður væntanlega mikið um dýrðir enda er leikurinn einn af hápunktum Partille Cup-mótsins sem staðið hefur yfir síðan á mánudaginn.

Útsending frá leiknum verður á ehftv.com.

Hér fyrir neðan eru nokkrar myndir sem teknar voru í Scandinavium fyrir stundu auk tveggja mynda frá fundi liðsins með þjálfurum í hádeginu þar sem línur voru lagðar fyrir úrslitaleikinn.